Argieffoto
Die presidensie het in ʼn verklaring aangekondig dat Zuma die Wysigingswetsontwerp oor Strafsake bekragtig het. Volgens die presidensie maak die wysigings voorsiening vir infrastruktuurverwante-misdrywe. Die wet stel strenger bepalings vir onder meer die toestaan van borgtog en die vonnisoplegging van oortreders.
Die wysigingswet kriminaliseer skade aan of vernietiging van noodsaaklike infrastruktuur wat kan inmeng met die verskaffing van basiese dienste aan die publiek. Diegene wat onder die nuwe wetgewing skuldig bevind word, kan tot 30 jaar tronkstraf gevonnis word of ʼn boete van tot R100 miljoen opgelê word.